Прафілактыка грыпа і ВРВІ
Грып - разнавіднасць вострай рэспіраторнай віруснай інфекцыі (ВРВІ), які адрозніваецца асабліва цяжкім цячэннем, наяўнасцю цяжкіх ускладненняў і можа скончыцца смяротным зыходам. У большай ступені гэта адносіцца да пэўных груп людзей:
дзеці (асабліва ранняга ўзросту);
пажылыя людзі (старэйшыя за 60 гадоў);
хворыя хранічнымі цяжкімі захворваннямі сэрца (заганы сэрца, ішэмічная хвароба сэрца, цяжкая артэрыяльная гіпертэнзія) і лёгкіх (бранхіяльная астма, хранічны бранхіт, эмфізэма лёгкіх).
Таму менавіта гэтыя катэгорыі людзей павінны ў першую чаргу выкарыстоўваць сродкі прафілактыкі грыпу і асабліва ўважліва назірацца урачамі ў выпадку захворвання на грып.
Комплексны характар абароны ад грыпу прадугледжвае, у першую чаргу, спецыфічную прафілактыку з выкарыстаннем вакцын, неспецыфічную прафілактыку з выкарыстаннем лекавых прэпаратаў, правядзенне супрацьэпідэмічных мерапрыемстваў у агменях інфекцыі (ізаляцыя хворых ад здаровых, эфектыўна выкарыстанне сродкаў індывідуальнай абароны (марлевыя маскі на твар), а таксама правядзенне аздараўленчых і агульнаўмацавальных мерапрыемстваў.
Вострая рэспіраторная вірусная інфекцыя (ВРВІ), ВРЗ (вострае рэспіраторнае захворванне) гэта распаўсюджаная група вірусных захворванняў верхніх дыхальных шляхоў, у ходзе развіцця захворвання можа далучацца бактэрыяльная інфекцыя. Асноўныя сімптомы ВРВІ гэта насмарк, кашаль, чханне, галаўны боль, боль у горле, стомленасць.
Для прафілактыкі грыпу і ВРВІ на сённяшні дзень існуе шырокі выбар лекавых сродкаў. Аднак рэкамендацыю па прызначэнні канкрэтнага лекавага сродку павінен даць лекар.
Асноўныя меры прафілактыкі ВРВІ гэта гартаванне, правільнае харчаванне, рацыянальны пітной рэжым, памяншэнне ўжывання алкаголю і курэння, пазбяганне пераахаладжэнняў.
Рэгулярнае праветрыванне памяшкання з'яўляецца важным умовай у прафілактыцы грыпу і ВРВІ.
І самае галоўнае - памятаць аб правілах асабістай гігіены. Пазбягаць кантакту з людзьмі, якія выглядаюць хворымі (часта чхаюць, кашляюць, з насмаркам). Пазбягаць знаходжання ў месцах збору людзей у перыяд эпідэміі, не наведваць масавыя мерапрыемствы, асабліва тыя, якія праводзяцца ў памяшканнях.
Па матэрыялах сайта: http://minzdrav.gov.by